بیجنگ: چین کے دارالحکومت بیجنگ میں اسرائیلی سفارت خانے کے ملازم پر حملہ آور نےچاقو سے حملہ کر دیا
عالمی خبر رساں ادارے کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ ایک شخص چاقو تھامے ہوئے ہے اور دوسرے شخص کو زمین پر لٹا کر پے در پے وار کر رہا ہے۔
چاقو کے وار سے حملے کا شکار شخص لہولہان ہوجاتا ہے اور زمین پر بے سدھ لیٹ جاتا ہے۔ حملہ آور اسے مردہ سمجھ کر جائے وقوعہ سے بھاگ جاتا ہے جو خود بھی مڈ بھیڑ میں معمولی زخمی ہوگیا تھا۔
بعد ازاں اسرائیلی وزارت خارجہ نے تصدیق کی کہ ان کے ایک ملازم پر بیجنگ میں چاقو سے حملہ کرکے مارنے کی کوشش کی گئی تاہم وہ زخمی ہے اور اسپتال میں زیر علاج ہے۔
اسرائیلی وزارت خارجہ کے بیان میں بتایا گیا کہ زخمی اہلکار کی حالت اب خطرے سے باہر ہےتاہم زخمی ہلکار کی شناخت ظاہر نہیں کی گئی۔
