اسلام آباد : اسلام آباد ہائیکورٹ سے پی ٹی آئی کے چیئرمین عمران خان کی 7 مقدمات میں ضمانت منظور اور 2 مقدمات میں ضمانت میں توسیع ہو گئ ہے
چیف جسٹس عامرفاروق کی سربراہی میں دو رکنی بینچ نے ضمانت کی درخواستوں پر سماعت کی، عمران خان کے وکیل بیرسٹر سلمان صفدر نے دلائل دیے
چیف جسٹس نے کہا کہ ہم نے کہا تھا متعلقہ عدالت سے رجوع کرنے کے لیے پروٹیکشن دیں گے، آپ ابھی تک شامل تفتیش ہی نہیں ہوئے
وکیل صفائی نے کہا کہ عمران خان 7 کیسز میں ابھی بیان ریکارڈ کرانے کو تیار ہیں، اس پر جسٹس عامر فاروق نے کہا کہ آپ کے مؤکل اسلام آباد میں موجود ہیں،تفتیشی افسران بھی یہاں ہیں، آج ہی بیان ریکارڈ کرادیں، یہ بیان اس طرح نہیں ہوگا کہ آپ ایک پیپر دے دیں، پولیس کو بیان ریکارڈ کرانے کا جو طریقہ کارہے اس پر عمل کریں، ہم آپ کو ریلیف دینا چاہ رہے ہیں اگرآپ نہیں لینا چاہتے تو آپ کی مرضی
بعد ازاں چیف جسٹس عامر فاروق اور میاں گل حسن اورنگزیب چیمبر میں چلے گئے اور فیصلہ محفوظ کرلیا۔
عدالت نے کچھ دیر بعد فیصلہ سناتے ہوئے عمران خان کی کچہری کے 2 مقدمات میں عبوری ضمانت میں 9 مئی تک توسیع کردی جب کہ 7 مقدمات میں 10 روز کے لیے حفاظتی ضمانت منظور کرلی گئ۔
