نئے وفاقی وزراء اور وزرائے مملکت نے حلف اٹھا لیا

اسلام آباد: نئے وفاقی وزراء اور وزرائے مملکت نے حلف اٹھا لیا۔

ایوان صدر میں حلف برداری کی تقریب منعقد ہوئی، صدر آصف علی زرداری نے کابینہ میں شامل ہونے والے نئے اراکین سے حلف لیا۔
صدر مملکت نے پہلے12 وفاقی وزراء سے حلف لیا،حلف اٹھانے والے وفاقی وزراء میں سردار محمد یوسف ، محمد حنیف عباسی ، معین وٹو،مصطفیٰ کمال، اورنگزیب کھچی، رانا مبشر، رضا حیات ہراج، طارق فضل چوہدری، علی پرویزملک،شزا فاطمہ، ،جنید انوار اور خالد مگسی شامل ہیں ۔ صدر مملکت نے دوسرے مرحلے میں 9 وزراء مملکت سے حلف لیا ۔

وزراء مملکت میں طلال چوہدری، بیرسٹرعقیل ملک، ملک رشید،کھیئل داس کوہستانی، عبدالرحمان کانجو،بلال اظہرکیانی، مختاربھرت،عون چوہدری اور وجیہہ قمر شامل ہیں۔

اس کے علاوہ پرویز خٹک،محمد علی اور ڈاکٹر سید توقیر شاہ کو وزیراعظم کا مشیر مقرر کیا گیا ہے ۔