اسلام آباد : اسلام آباد پولیس کے ہیڈ کانسٹیبل محمد اشرف اور ان کا بیٹا فائرلگنے سے شہید ہوگئے۔
شہید ہیڈ کنسٹیبل نے راہزنوں کو واردات کرتے دیکھا۔
شہید ہیڈ کنسٹیبل نے راہزنوں کو پکڑنے کی کوشش کی تو ملزمان نے فائرنگ کردی۔
ان کا بیٹا انکی مدد کو آیا تو وہ بھی راہزنوں کی فائرنگ کا نشانہ بن گیا۔
پولیس کے سینئر افسران بھاری نفری کے ہمراہ موقع پر پہنچ گئے ۔
آئی سی سی پی او ڈاکٹر اکبر ناصر خاں نے وقوعہ کا نوٹس لیتے ہوئے ملزمان کو جلد از جلد گرفتار کرنے کے احکامات جاری کردئیے ہیں۔
شہید ہیڈ کانسٹیبل اشرف اور ان کے بیٹے کی نماز جنازہ پولیس لائنز ہیڈکوارٹرز میں پورے اعزاز کے ساتھ ادا کر دی گئی۔
نماز جنازہ میں پولیس، ضلعی انتظامیہ ،قانون نافذ کرنے والے اداروں کے افسران اور عوام نے شرکت کی۔
شہداء کا جسد خاکی سرکاری اعزاز کے ساتھ ان کے آبائی گاؤں تدفین کےلیے روانہ کردیا گیا۔
آئی سی سی پی او ڈاکٹر اکبر ناصر خاں نے شہداء کے لواحقین کے ساتھ اظہار ہمدردی کرتے ہوئے کہا ہے کہ
شہید ہیڈ کنسٹیبل کے لواحقین کے ساتھ بھرپور تعاون کیا جائے گا۔
