نیویارک : انسانی حقوق کی سرگرم کارکن اور ہالی وڈ اداکارہ انجلینا جولی نے غضب میں جنگ بندی کا مطالبہ کر دیا۔
انجلینا جولی کا کہنا ہے کہ اسرائیل میں جو کچھ ہوا وہ غزہ کی شہری آبادی پر بمباری کا جواز نہیں، چند ٹرک غزہ کی امدادی ضروریات پوری نہیں کر سکتے۔
ان کا کہنا تھا کہ غزہ میں ایندھن اور پانی کی فراہمی روکنا اجتماعی سزا ہے، غزہ کے لوگوں کے پاس جانے کے لیے نہ کوئی اور جگہ، نہ خوراک تک رسائی، نہ انخلاء کا کوئی امکان اور نہ ہی سرحد پار کر کے پناہ لینے کا بنیادی انسانی حق موجود ہے،غزہ کی کُل آبادی 20 لاکھ ہے جن میں آدھے بچے ہیں جو دو دہائیوں سے محاصرے میں ہیں۔
