اسلام آباد : نگران وزیراعظم انوارالحق کاکڑ کے بیان پر پی ٹی آئی کا ردعمل سامنے آ گیا۔
پاکستان تحریک انصاف نے چیئرمین پی ٹی آئی کے بغیر انتخابات کو غیر اخلاقی و غیر آئینی قرار دے دیا۔
ترجمان پی ٹی آئی نے اپنے بیان میں کہا کہ تحریک انصاف پاکستان کی سب سے بڑی واحد نمائندہ سیاسی جماعت ہے،چیئرمین پی ٹی آئی یا تحریک انصاف کے بغیر کرایا گیا الیکشن غیرآئینی، غیراخلاقی ہوگا، ایسے انتخابات کو عوام ہرگز قبول نہیں کریں گے۔
ترجمان پی ٹی آئی کا کہنا تھا کہ انوارالحق کاکڑ اپنے بیان کی فوری وضاحت کریں۔
