راولپنڈی: عوامی مسلم لیگ کے سربراہ شیخ رشید احمد کو گرفتار کر لیا گیا۔
شیخ رشید کے وکیل سردار عبدالرازق خان نے گرفتاری کی تصدیق کرتے ہوئے کہا کہ راولپنڈی، اسلام آباد پولیس اور سادہ کپڑوں میں اہلکار آئے تھے اور انہیں گرفتار کر کے لے گئے ۔
وکیل سردارعبدالرزاق خان نے بتایا شیخ رشید کو نجی ہاؤسنگ سوسائٹی سے حراست میں لیا گیا، شیخ رشید کے ساتھ ان کے بھتیجے شیخ شاکر اور ایک ملازم کو بھی حراست میں لیا گیا ہے۔
ذرائع کے مطابق شیخ رشید کو 9 مئی واقعات میں درج مقدمات میں گرفتار کیا گیا، شیخ رشید کو اسلام آباد پولیس نے پنجاب پولیس کی معاونت سے گرفتار کیا، شیخ رشید شیخ ، ان کے بھتیجے شیخ شاکر اور ملازم شیخ عمران کو تھانہ لوئی بھیر منتقل کر دیا گیا۔
