بجلی بلوں میں ریلیف،آئی ایم ایف آڑے آ گیا

اسلام آباد :بجلی بلوں میں ریلیف کے معاملے میں آئی ایم ایف آڑے آ گیا ۔
صارفین کو بجلی کے بلوں پر ریلیف دینے کے معاملہ پر پاکستان اور آئی ایم ایف کے درمیان رابطہ ہوا ہے

ذرائع کے مطابق آئی ایم ایف نے 400 یونٹ تک بجلی استعمال کرنے والوں کو ریلیف دینے کی تجویز مسترد کردی اورصرف 200 یونٹ تک بجلی استعمال کرنے والے صارفین سے بلز قسطوں میں وصول کرنے پر اتفاق کیا ہے ۔
بلز قسطوں میں وصول کرنے کی حتمی منظوری بھی وفاقی کابینہ سے لی جائے گی ،اس اقدام سے تقریبا 40 لاکھ بجلی صارفین کو وقتی ریلیف ملنے کا امکان ہے۔
400 یونٹ تک ریلیف کی صورت میں 3 کروڑ 20 لاکھ صارفین مستفید ہو سکتے تھے۔
ذرائع کے مطابق آئی ایم ایف کا بجلی، گیس چوروں کیخلاف کریک ڈاؤن اور ریکوری بہتر بنانے پر زور دیا ہے اور یکم جولائی سے گیس ٹیرف میں بھی 45 سے 50 فیصد تک اضافے کا مطالبہ
کیا ہے تاہم گیس ٹیرف میں اضافہ وفاقی کابینہ کی منظوری سے مشروط ہے۔