برمنگھم: پاکستان نے بھارت کو 8 وکٹوں سے شکست دے کر ورلڈ بلائنڈ گیمز میں کرکٹ کا گولڈ میڈل حاصل کرلیا۔
فائنل میں انڈیا نے پہلے کھیلتے ہوئے 20 اوورز میں تین وکٹ پر 184 رنز بنائے۔ انڈیا کے درگا راؤ تومپاکی نے 76 رنز بنائے۔ سنیل رمیش نے 48 رنز کی اننگز کھیلی۔
پاکستان کی جانب سے مطیع اللہ اور محمد سلمان نے ایک ، ایک وکٹ حاصل کی۔
جواب میں پاکستان کے نثار علی اور مطیع اللہ نے پاکستان کو 78 رنز کا آغاز فراہم کیا۔ نثار علی 36 رنز بناکر آؤٹ ہوئے، مطیع اللہ نے 18 رنز بنائے، اس کے بعد محمد سلمان اور بدر منیر نے تیسری وکٹ کیلئے ناقابل شکست 89 رنز بناکر پاکستان کو 8 وکٹ کی فتح سے ہمکنار کرادیا۔ سلمان 48 اور بدرمنیر 41 رنز بناکر ناٹ آؤٹ رہے۔ پاکستانی اننگز میں 42 رنز ایکسٹرا کے تھے۔
