کولمبو : پاکستان نے افغانستان کو تیسرے اور آخری ون ڈے میں 59 رنز سے ہرا کر سیریز میں کلین سویپ کر دیا ۔
کولمبو میں کھیلے گئے میچ میں پاکستان کے 269 رنز کے ہدف کے تعاقب میں افغانستان کی پوری ٹیم 49 ویں اوور میں 209 رنز پر ڈھیر ہوگئی۔
افغانستان کی طرف سے مجیب الرحمان نے 35 گیندوں پر 64 رنز کی باری کھیلی، انہوں نے اس دوران 5 چھکے اور اتنے ہی چوکے لگائے، وہ شاہین آفریدی کی گیند پر ہٹ وکٹ آؤٹ ہوگئے۔
افغانستان کی طرف سے شاہد اللّٰہ نے 37، ریاض حسن نے 34، راشد خان نے 16، حشمت اللّٰہ شاہدی نے 13، رحمان اللّٰہ گرباز نے 5، محمد نبی نے 3 جبکہ ابراہیم زدران اور گلبدین نائب بغیر کوئی رن بنائے پویلین لوٹ گئے۔
گرین شرٹس کے شاداب خان نے 3 کھلاڑیوں پویلین راونہ کیا جبکہ فہیم اشرف، شاہین شاہ آفریدی اور محمد نواز نے 2، 2 وکٹیں اپنے نام کی جبکہ ایک کھلاڑی کو آغا سلمان نے میدان بدر کیا۔
اس سے قبل پاکستان نے پہلے بیٹنگ کرتے ہوئے مقررہ 50 اوورز میں 8 وکٹوں پر 268 رنز بنائے، محمد رضوان نے 67 اور بابر اعظم نے 60 رنز بنائے ۔
دیگر کھلاڑیوں میں محمد نواز 30، فخر زمان 27، امام الحق 13، سعود شکیل 9، شاداب خان 3 اور فہیم اشرف 2 رنز بناسکے۔
افغانستان کے گلبدین نائب اور فرید احمد نے 2، 2 کھلاڑیوں کو آؤٹ کیا جبکہ فضل حق فاروقی، مجیب الرحمان اور راشد خان نے 1، 1 وکٹ اپنے نام کی۔
