مکہ مکرمہ : سعودی عرب کے شہر مکہ کے ہوٹل میں آتشزدگی سے 8 پاکستانی عمرہ زائرین جاں بحق ہو گئے
سعودی میڈیا کے مطابق مکہ میں ابراہیم خلیل روڈ پر واقع ایک ہوٹل میں آتشزدگی کا واقعہ پیش آیا ۔
ابتدائی اطلاعات میں بتایا گیا ہے کہ آگ ہوٹل کی تیسری منزل پر شارٹ سرکٹ سے ایک کمرے میں لگی جس نے دیگر کمروں کو بھی اپنی لپیٹ میں لے لیا۔ آگ لگنے سے چار کمروں کو نقصان پہنچا۔‘
آتشزدگی کے باعث مرنے والے پاکستانیوں میں 4 کی شناخت ہوگئی ہے جن میں سے 2 کا تعلق وہاڑی جبکہ 2 کا قصور سے ہے۔ دیگر 4 افراد کی شناخت کی کوشش کی جارہی ہے۔
سعودی حکام کا کہنا ہے کہ ’ممکن ہے نعشوں کی شناخت کے لیے ڈی این اے سے مدد لی جائے۔
نعشیں ہسپتال کے سردخانے میں رکھی گئی ہیں۔ ورثا سے رابطہ کیا جا رہا ہے جس کے بعد میتیں پاکستان بھجوانے یا مکہ میں تدفین کرنے کے حوالے سے فیصلہ کیا جائے گا۔‘
اموات کے حوالے سے ترجمان دفتر خارجہ نے بتایا ہے کہ ’مکہ کے ہوٹل میں آتشزدگی کے افسوسناک واقعے میں 8 اموات اور 6 پاکستانیوں کے زخمی ہونے کی اطلاعات ہیں۔
