خیبر پختونخوا کے مالی مسائل: وزیر خزانہ کی وزیر اعلیٰ کو مکمل تعاون کی یقین دہانی

اسلام آباد: وفاقی وزیر برائے خزانہ و محصولات، سینیٹر محمد اورنگزیب نے آج وزارتِ خزانہ میں خیبر پختونخوا کے وزیر اعلیٰ، سہیل آفریدی سے ملاقات کی۔

ملاقات خوشگوار اور تعمیری ماحول میں ہوئی۔ وزیر اعلیٰ نے وفاقی وزیر کو صوبے کو درپیش مختلف معاشی اور مالی مسائل سے آگاہ کیا۔

وفاقی وزیر خزانہ نے وزیر اعلیٰ کو یقین دہانی کرائی کہ وہ تمام جائز مسائل کے حل کے لیے مکمل تعاون فراہم کریں گے اور وفاقی حکومت کے اس عزم کا اعادہ کیا کہ صوبائی حکومتوں کو ان کے مالی چیلنجز سے نمٹنے میں سہولت فراہم کی جائے گی۔