کشمیریوں کا احتجاج رنگ لے آیا، آٹے اور بجلی کی قیمتوں میں کمی

مظفر آباد:کشمیریوں کا احتجاج رنگ لے آیا، آٹے اور بجلی کی قیمتوں میں کمی کردی گئی.

وزیراعظم شہباز شریف کی زیر صدارت اجلاس میں آزاد کشمیر کیلئے 23 ارب روپے پیکیج کے اعلان کے بعد آٹے اور بجلی کی قیمتوں میں بھی کمی کی گئی ہے۔

محکمہ توانائی کی جانب سے جاری نوٹیفکیشن کے مطابق 100 یونٹ تک بجلی کی قیمت 3 روپے فی کلو واٹ آور ہوگی جبکہ 300 یونٹ کمرشل بجلی کی فی یونٹ قیمت 10 روپے ہوگی، 100 سے 300 یونٹ تک 5 روپے جبکہ 300 سے زیادہ یونٹس کے استعمال پر 6 روپے فی یونٹ ہو گی، 300 سے زائد یونٹس کے استعمال پر فی یونٹ بجلی کی قیمت 15 روپے ہو گی۔

اس کے ساتھ ساتھ آٹا سبسڈی پر بھی عملدرآمد شروع ہوگیا ہے، محکمہ خوراک آزاد کشمیر نے 40 کلو گرام آٹے کے موجود نرخ 3100 میں 1100 روپے کی کمی کر دی ہے، آزاد کشمیر میں 20 کلو گرام آٹا اب ایک ہزار روپے اور 40 کلو گرام آٹا 2 ہزار میں دستیاب ہوگا، اس کے علاوہ آزاد کشمیر میں 40 کلو آٹے پر 1100 روپے کی کمی کردی گئی ہے۔