اسلام آباد:وزیرِ اعظم محمد شہباز شریف نے کشمیری عوام کے مسائل کے حل کیلئے 23 ارب روپے کی فوری فراہمی کی منظوری دے دی۔
وزیرِ اعظم پاکستان محمد شہباز شریف کی زیرِ صدارت آزاد کشمیر کی حالیہ صورتحال پر خصوصی اجلاس کا انعقاد آج اسلام آباد میں ہوا.
اجلاس میں وزیرِ اعظم آزاد جموں و کشمیر، آزاد کشمیر حکومت کے وزراء اور اعلی سیاسی قیادت نے شرکت کی. اجلاس میں وفاقی وزراء اور اتحادی جماعتوں کے زعماء نے بھی شرکت کی.
اجلاس میں حالیہ صورتحال کا مفصل جائزہ لینے کے بعد وزیرِ اعظم محمد شہباز شریف نے کشمیری عوام کے مسائل کو حل کرنے کیلئے 23 ارب روپے کی فوری فراہمی کی منظوری دے دی.
کشمیری قیادت اور شرکاء نے وزیرِ اعظم محمد شہباز شریف کا شکریہ ادا کیا.
