ملتان: پی ایس ایل میں پشاور زلمی نے ملتان سلطانز کو 5 رنز سے ہرا دیا ۔
پاکستان سپر لیگ کے 9 میچ میں پشاور زلمی کے کپتان بابر اعظم نے ملتان سلطانز کیخلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 179 رنز بنائے۔
ملتان سلطانز کی پوری ٹیم آخری گیند پر174 رنز بناکر آؤٹ ہوگئی، ڈیوڈ ملان 52 رنز بنا کر نمایاں رہے.
یاسر خان 43، ریزا ہینڈرکس 28، افتخار احمد 16، اسامہ میر 12، عباس آفریدی 11، خوشدل شاہ 5 جبکہ کپتان محمد رضوان ، ڈیوڈ ولی اور شاہنواز دھانی بغیر کوئی رن سکور کئے بغیر آؤٹ ہوئے ۔
پشاور زلمی کے عارف یعقوب نے 3، لیوک ووڈ، نووین الحق اور سلمان ارشاد نے2،2 جبکہ پال والٹر نے ایک وکٹ لی۔
اس سے پہلے پشاور زلمی کی جانب سے حسیب اللہ نے 37 رنز بنائے، کپتان بابر اعظم 31، روومن پاول 23، محمد حارث 19، پال والٹر 16 ، آصف علی 13 اور صائم ایوب 7 رنز بنا کر آؤٹ ہوئے۔
ملتان سلطانز کی جانب سے اسامہ میر، ڈیوڈ ولی اور محمد علی کو 2، 2 جبکہ شاہنواز دھانی اور عباس آفریدی کو ایک ایک وکٹ ملی۔
