اسلام : ن لیگ کا قومی اسمبلی میں پہلا نمبر، سنی اتحاد کونسل دوسری بڑی جماعت بن گئی
الیکشن کمیشن نےقومی اسمبلی میں پارٹی پوزیشن جاری کر دی، مسلم لیگ ن پہلے نمبر پر آ گئی ۔
الیکشن کمیشن سے جاری تفصیلات کے مطابق (ن) لیگ نے قومی اسمبلی میں 84 جنرل، 19 خواتین اور 4 اقلیتی نشستیں حاصل کی ہیں، یوں مسلم لیگ (ن) قومی اسمبلی میں مجموعی طور پر 107 نشستوں کے ساتھ پہلے نمبر پر ہے.
پی ٹی آئی کے حمایت یافتہ آزاد ارکان کی شمولیت کے بعد سنی اتحاد کونسل 81 نشستوں کیساتھ دوسری بڑی جماعت بن گئی، سنی اتحاد کونسل کی مخصوص نشستوں کے حوالے سے معاملہ الیکشن کمیشن میں زیر التوا ہے۔
پیپلز پارٹی قومی اسمبلی کی 68 نشستیں حاصل کر کے تیسری بڑی جماعت ہے، پیپلز پارٹی کو 54 جنرل، 12 خواتین اور 2 اقلیتی نشستیں ملی ہیں۔
ایم کیو ایم پاکستان 22 نشستوں کے ساتھ قومی اسمبلی میں چوتھی بڑی پارلیمانی جماعت ہے، ایم کیو ایم 17 جنرل، 4 خواتین اور ایک اقلیتی نشست حاصل کرنے میں کامیاب رہی۔
جے یو آئی ف 5 جنرل، ایک خاتون کی نشست حاصل کر کے پانچویں نمبر پر ہے۔
مسلم لیگ (ق) 4 جنرل، ایک خاتون کی نشست حاصل کر کے چھٹے، استحکام پاکستان پارٹی 3 جنرل، ایک خاتون کی نشست کے ساتھ ساتویں نمبر پر ہے، عوامی نیشنل پارٹی قومی اسمبلی کی کوئی نشست حاصل نہیں کر پائی ۔
قبل ازیں الیکشن کمیشن نے قومی اسمبلی کی 10 اقلیتی نشستوں میں سے 7 کا نوٹیفکیشن جاری کیا جن میں سے مسلم لیگ (ن) کے حصے میں 4، پیپلز پارٹی 2، ایم کیو ایم پاکستان کے حصے میں ایک نشست آئی، 3 اقلیتی نشستوں کا نوٹیفکیشن جاری نہیں ہو سکا۔
