لاہور : مسلم لیگ (ن) کی چیف آرگنائزر اور نامزد وزیراعلی پنجاب مریم نواز کا صوبے بھر میں ائر ایمبولینس سروس شروع کا اعلان کرتے ہوئےکہا ہے کہ صوبے میں آج سے نئے دور کا آغاز ہوگا۔
جاتی امراء میں صوبائی پارلیمانی پارٹی کے اجلاس سے خطاب کرتے ہوئے مریم نواز نے کہا کہ آپ لوگ کامیاب ہوکر پنجاب اسمبلی پہنچے اس پر مبارک باد دیتی ہوں ،ن لیگ میں نئے آنے والے ایم پی ایز کو دلی کی گہرائی سے خوش آمدید کہتی ہوں۔
مریم نواز کا کہنا تھا کہ کہ پنجاب میں 2024ء کا الیکشن ن لیگ کےلیے بہت مشکل تھا لیکن عوام نے ہمیں واضح مینڈیٹ دیا۔
اُن ۔
مریم نواز نے یہ بھی کہا کہ دوسرے صوبوں سے آنے والے پنجاب میں بہت واضح فرق دیکھتے ہیں، جہاں کام ہوا ہے نظر آتا ہے جہاں صرف باتیں ہوئی ہیں وہ بھی نظر آتا ہے۔
انہوں نے کہا کہ انہیں پاکستان اور پنجاب کی پہلی خاتون وزیراعلیٰ ہونے کا اعزاز ملا ہے، وہ نئے جذبے، عزم اور خلوص سے نئے سفر کا آغاز کریں گی۔
