اسلام آباد : عام انتخابات ملتوی کرانے کے لیے الیکشن کمیشن میں درخواست دائر ہو گئی ۔
ایڈوکیٹ فاطمہ نذر نے الیکشن کمیشن میں درخواست جمع کرادی
درخواست میں موقف اختیار کیا گیا ہے کہ عام انتخابات کی تاریخ دئیے جانے کے بعد سے بلوچستان میں سیکورٹی صورتحال نازک ہے،مکران ڈویژن میں دہشتگردی کے واقعات میں اضافہ ہوا ہے،دیہاڑی دار مزدوروں کے قتل،ٹارگٹ کلنگ،آئی ای ڈی بلاسٹ اور خودکش حملوں کی لہر بڑھی ہے،کیچ اور گوادر میں گزشتہ تین ماہ کے دوران 61 دہشگردی کے واقعات میں 32 زندگیوں کے چراغ گل ہوئے۔
درخواست گزار نے موقف اختیار کیا ہے کہ بلوچستان میں بیشتر آبادی کو آمدرافت میں بھی مسائل کا سامنا ہے، موجودہ صورتحال میں مطلوبہ ٹرن آوٹ ملنا ممکن نہیں ہےاس لیے عام انتخابات ملتوی کیے جائیں۔
