لاہور: ایم کیو ایم اور (ن) لیگ مل کر آئندہ الیکشن لڑیں گی
سابق وزیراعظم شہبازشریف کی دعوت پر خالد مقبول صدیقی کی سربراہی میں ایم کیو ایم کے وفد نے رائیونڈ میں مسلم لیگ (ن) کے قائد میاں نواز شریف سے ملاقات کی۔
ایم کیو ایم کے وفد میں خالد مقبول صدیقی، فاروق ستار اور مصطفیٰ کمال شامل تھے جبکہ (ن) لیگ کی طرف سے ملاقات میں شہباز شریف، مریم نواز، خواجہ سعد رفیق اور پرویز رشید بھی شریک ہوئے۔
ایک گھنٹے سے زائد کی اس ملاقات میں عام انتخابات، انتخابی اتحاد اور موجودہ سیاسی صورتحال پر تبادلہ خیال کیا گیا۔
ایم کیو ایم کے ذرائع کے مطابق نواز شریف نے سندھ کی ابترصورتحال، مردم شماری اور حلقہ بندیوں پر ایم کیو ایم کے مؤ قف کی تائید کی۔
دونوں جماعتوں نے فیصلہ کیا کہ آئندہ عام انتخابات میں کراچی سمیت سندھ میں سیٹ ایڈجسٹمنٹ کی جائے گی اور ایک دوسرے کے مد مقابل امیدوار کھڑے نہیں کیے جائیں گے۔
