اسلام آباد : وزیراعظم انوار الحق کاکڑ نے چین کے سابق وزیراعظم لی کی چیانگ کے انتقال پر گہرے دکھ اور افسوس کا اظہار کیا ہے۔
جمعہ کو ایک ٹویٹ میں وزیراعظم نے کہا کہ چین کے سابق وزیر اعظم لی کی چیانگ کے انتقال پر گہرا دکھ اور افسوس ہوا ہے، وہ پاکستان کے عظیم دوست تھے
وزیراعظم نے کہا کہ ہمیں 2013 ءمیں ان کا دورہ پاکستان اچھی طرح یاد ہے۔دکھ کی اس گھڑی میں ہمارے جذبات اور ہمدردیاں مرحوم سابق وزیراعظم لی کی کیانگ، ان کے خاندان اورچینی قوم کے ساتھ ہیں۔
