اسلام آباد: رات گئے عوام پر پٹرول بم گرا دیا گیا، ڈالر کے بعد پٹرول کی بھی ٹرپل سنچری مکمل ہو گئی،رات تقریباً سوا 12 اضافے کا اعلان کیا گیا.
نگران حکومت کی جانب سے پیٹرول کی قیمت میں 14 روپے 91 پیسے اضافہ کیا گیا ہے، جس کے بعد پیٹرول کی فی لیٹر قیمت 305 روپے 36 پیسے روپے ہوگئی ہے۔
ملکی تاریخ میں پہلی بار پیٹرول کی قیمت 300 روپے سے زائد ہوئی ہے۔
اس کے علاوہ ہائی اسپیڈ ڈیزل کی قیمت میں 18 روپے 44 پیسے اضافہ کردیا گیا ہے، جس کے بعد قیمت فی لیٹر 311 روپے 84 پیسے فی لیٹر ہوگئی ہے ۔
پیٹرولیم مصنوعات کی قیمتوں کے حوالے سے ایک جعلی نوٹیفکیشن بھی سوشل میڈیا پر وائرل ہوا جس کے بعد متعدد پٹرول پمپس نے سیل روک دی تھی۔
پٹرول پمپ مالکان نے نئی قیمت پر پٹرول فروخت کرنے کیلئے فلنگ اسٹیشنز بند کر دیے تھے۔
