ہمبنٹوٹا : پاکستان نے پہلے ایک روزہ میچ میں افغانستان کو 142 رنز سے ہرا دیا ۔
سری لنکا کے شہر ہمبنٹوٹا میں کھیلے گئے میچ میں کپتان بابر اعظم نے ٹاس جیت کر پہلے بیٹنگ کا فیصلہ کیا اور پوری ٹیم47 اوور میں 201 رنزبناکر آؤٹ ہوگئی۔
202 رنز کے ہدف کے جواب میں افغانستان کی پوری ٹیم 20 ویں اوور میں 59 رنز پر آؤٹ ہوگئی۔پاکستان نے اننگ کا آغاز کیا تو اوپنر فخر زمان چار گیندوں پر دو رنز بناکر پویلین لوٹے، فخر زمان کی وکٹ فضل الحق فاروقی نے حاصل کی، اس کے بعد کپتان بابر اعظم بغیر کوئی رن بنائے مجیب الرحمٰن کا شکار ہوئے۔
رضوان نے 21، آغا سلمان نے7، اسامہ میر نے 2 اور شاہین آفریدی نے بھی 2 رنز بنائے۔
202 رنز کے ہدف کے تعاقب میں افغان بلے باز پاکستانی بالرز کے سامنے نہ ٹھہر سکے۔افغانستان کی جانب سے رحمان اللہ گرباز نے سب سے زیادہ 18 رنز بنائے، انہیں حارث رؤف نے اپنا شکار بنایا جب کہ عظمت اللہ عمر زئی 16 رنز بنا کر ریٹائرڈ ہرٹ ہوگئے۔
ان دونوں کے علاوہ کوئی افغان بلے باز ڈبل فگر میں داخل نہ ہوسکا اور پوری ٹیم 59 رنز پر ڈھیر ہوگئی۔
پاکستان کی جانب سے حارث رؤف نے 5 کھلاڑیوں کو آؤٹ کیا، شاہین شاہ آفریدی نے 9 رنز دے کر 2 وکٹیں حاصل کیں جب کہ نسیم شاہ اور شاداب خان نے ایک، ایک وکٹ حاصل کی۔
