فیصل آباد : پنڈی بھٹیاں فیصل آباد موٹر وے پر پنڈی بھٹیاں کے قریب پک اپ وین اور مسافر کوچ کے درمیان تصادم کے بعد حادثے میں 18 مسافر جاں بحق اور 16 زخمی ہوگئے۔
مسافر کوچ کراچی سے اسلام آباد جارہی تھی کہ حادثہ پیش آگیا جبکہ پک اپ وین ڈیزل لے کر جارہی تھی۔
ریسکیو حکام کے مطابق مسافر کوچ میں 40 سے زائد مسافر سوار تھے۔
جاں بحق افراد میں خواتین اور بچے بھی شامل ہیں جبکہ اکثر زخمیوں کی حالت تشویشناک بتائی جارہی ہے۔ حادثے میں بس اور پک اپ وین کے ڈرائیور بھی جاں بحق ہوگئے۔
حادثہ صبح سوا چار بجے کے قریب پیش آیا،حادثے کے بعد گاڑیوں میں آگ لگ گئی، دونوں گاڑیاں جل کر تباہ ہوگئی ہیں۔
