اسلام آباد : سپریم کورٹ پریکٹس اینڈ پروسیجر ( عدالتی اصلاحات )بل کے خلاف کیس کی سماعت آج ہوگی
چیف جسٹس عمر عطا بندیال کی سربراہی میں 8 رکنی بینچ ساڑھے بارہ بجے عدالتی اصلاحات بل کیس کی سماعت کرے گا۔
واضح رہے کہ پارلیمنٹ نے ازخود نوٹس، بینچز کی تشکیل کے چیف جسٹس کے اختیار پر بل پاس کیا تھا، صدر کے اعتراضات کے باوجود پارلیمنٹ کے مشترکہ اجلاس میں سپریم کورٹ پریکٹس اینڈ پروسیجر بل منظور کیا گیا
سپریم کورٹ نے اٹارنی جنرل، سپریم کورٹ بار ایسوسی ایشن، پاکستان بار کونسل کو نوٹس جاری کر دیے، مسلم لیگ ن، پیپلز پارٹی، تحریک انصاف سمیت 9 سیاسی جماعتوں کو بھی نوٹس جاری کئے ہوئے ہیں۔
گزشتہ سماعت پر عدالتی اصلاحات بل پر عملدرآمد روک دیا گیا تھا۔
