اسلام آباد : فخر زمان نے پہلے ون ڈے میں پاکستان کو فتح کا تاج پہنایا اور نیوزی لینڈ کو 5 وکٹوں سے شکست ہو گئی
پنڈی کرکٹ اسٹیڈیم میں بابر اعظم نے ٹاس جیتا اور نیوزی لینڈ کو پہلے بیٹنگ کی دعوت دی۔
نیوزی لینڈ نے مقررہ 50 اوورز میں 7 وکٹوں کے نقصان پر 288 رنز اسکور کیے، ول ینگ اور ڈیرل مچل نے شاندار بلے بازی کا مظاہرہ کیا، ڈیرل مچل نے 113 رنز کی شاندار اننگز کھیلی جبکہ ول ینگ نے بھی 86 رنز اسکور کیے۔
پاکستان کی جانب سے شاہین شاہ آفریدی، نسیم شاہ اور حارث رؤف نے دو دو کھلاڑیوں کو آؤٹ کیا جبکہ ایک وکٹ شاداب خان کے حصے میں آئی۔
نیوزی لینڈ کی جانب سے دیئے گئے ہدف کے تعاقب میں فخر زمان اور امام الحق نے اپنی ٹیم کو 124 رنز کا آغاز فراہم کیا۔
امام الحق نے60 ،بابر اعظم نے 49 شان مسعود نے ایک اور آغا سلمان نے 7 رنز بنائے۔ محمد رضوان 42 اور محمد نواز 8 رنز بنا کر ناٹ آؤٹ رہے۔
نیوزی لینڈ کی جانب سے ایڈم ملنے نے 2 کھلاڑیوں کو آؤٹ کیا جبکہ بلائر ٹکنر، اش سودھی اور راچن رویندرا کو ایک ایک وکٹ ملی۔
دوسرا ون ڈے بھی کل راولپنڈی میں ہی کھیلا جائے گا
