لاہور : وزیرِ اعظم محمد شہباز شریف نے چاروں صوبوں کے گورنرز اور افواجِ پاکستان کے سربراہاں کو ٹیلی فون کر کے عید الفطر کی مبارکباد دی ہے
وزیرِ اعظم نے پاک فوج، پاک فضائیہ اور پاک بحریہ کے سربراہاں کو ٹیلی فون پر عید کی مبارکباد دی اور نیک خواہشات کا اظہار کیا
وزیراعظم شہباز شریف نے چئیرمن جوائنٹ چیفس آف اسٹاف کمیٹی جنرل ساحر شمشاد مرزا ،چیف آف آرمی سٹاف جنرل سید عاصم منیر، فضائیہ کے سربراہ ائیر چیف مارشل ظہیر احمد بابر سندھو اور بحریہ کے سربراہ ایڈمرل محمد امجد خان نیازی کو فون کیا اور عیدالفطر کی مبارک دی
وزیراعظم نے کہا کہ پاکستانی قوم کو اپنی افواج پر فخر ہے،پاکستانی قوم اپنی سرحدوں پر موجود محفاظوں کی بدولت امن و سکون سے عید کی خوشیاں منا رہی ہے
وزیراعظم کا کہنا تھا کہ مجھ سمیت پوری قوم افواجِ پاکستان کے ان بہادر اور فرض شناس جوانوں کو خراجِ تحسین پیش کرتی ہے
وزیرِ اعظم نے چاروں صوبوں کے گورنرز کو بھی ٹیلی فون کیا اورعید الفطر کی مبارکباد دی ہے
وزیرِ اعظم نے گورنر بلوچستان عبدالولی کاکڑ، گورنر خیبر پختونخوا غلام علی، گورنر سندھ کامران خان ٹیسوری اور گورنر پنجاب بلیغ الرحمن کو ٹیلی فون پر عید کی مبارکباد اور نیک خواہشات کو اظہار کیا ہے
