نیویارک: اقوام متحدہ کے سیکرٹری جنرل نے اسلام آباد میں مسجد میں نمازیوں پر ہونے والے دہشت گردی کے حملے کی شدید مذمت کی ہے۔
سیکرٹری جنرل نے کہا کہ عام شہریوں اور عبادت گاہوں کو نشانہ بنانا نہ صرف ناقابل قبول ہے بلکہ بین الاقوامی قوانین اور
انسانی حقوق کی خلاف ورزی بھی ہے۔ انہوں نے زور دیا کہ اس واقعے کے ذمہ دار عناصر کی فوری شناخت کی جائے اور انہیں قانون کے مطابق انصاف کے کٹہرے میں لایا جائے۔
سیکرٹری جنرل نے پاکستان کی حکومت اور عوام کے ساتھ ہمدردی کا اظہار کرتے ہوئے کہا کہ ایسے مظالم کسی بھی معاشرے میں برداشت نہیں کیے جا سکتے اور عالمی برادری اس کے خلاف متحد ہے۔
