ڈیووس: چین کی وزارت خارجہ نے عالمی اقتصادی فورم میں واضح کیا ہے کہ امریکی صدر ڈونلڈ ٹرمپ کا بورڈ آف پیس اقوام متحدہ کی جگہ نہیں لے سکتا۔
چینی مندوب نے کہا کہ تحفظاتی پالیسیاں عالمگیریت کو چیلنجز کا سامنا کروا رہی ہیں، اور چین اس غیر یقینی صورتحال میں استحکام فراہم کرنے کے لیے تیار ہے۔
انہوں نے کہا کہ چین نہ صرف دنیا کی فیکٹری کے طور پر کام کرنے کے لیے تیار ہے بلکہ عالمی مارکیٹ بھی فراہم کرے گا۔
چینی مندوب نے ٹرمپ کے بورڈ آف پیس کے اقدام کے جواب میں اقوام متحدہ کے نظام کے لیے چین کی مضبوط حمایت کا اعادہ کیا۔
چینی وزارت خارجہ کے ترجمان نے مزید کہا کہ چین کسی ملک کے ساتھ اثر و رسوخ کے لیے مقابلے کا ارادہ نہیں رکھتا، اور اقوام متحدہ کے بین الاقوامی نظام کو قائم رکھنا تمام ممالک کے مفاد میں ہے۔
