لاہور: صدرِ آصف علی زرداری نے پاکستان پیپلز پارٹی کی سینئر رہنما اور رکن قومی اسمبلی ثمینہ خالد گھرکی کی لاہور میں رہائشگاہ پر حاضری دی۔
صدرِ مملکت نے ان کے صاحبزادے کی آئندہ شادی کے لیے نیک خواہشات کا اظہار کیا اور مبارکباد بھی پیش کی۔
صدر آصف علی زرداری نے گفتگو کے دوران ثمینہ خالد گھرکی کی پارٹی کے لیے خدمات، پارلیمنٹ میں ان کے مؤثر کردار اور پیپلز پارٹی ویمن ونگ پنجاب میں ان کی قیادت کو سراہا۔
انہوں نے کہا کہ ثمینہ خالد گھرکی کی مسلسل محنت اور پارٹی سے وابستگی نے تنظیمی ڈھانچے کو مضبوط بنانے میں نمایاں کردار ادا کیا ہے۔
اس موقع پر گورنر پنجاب سردار سلیم حیدر خان بھی صدرِ مملکت کے ہمراہ تھے۔
