لاہور : پاکستان نے دوسرے ٹی 20 میں بھی نیوزی لینڈ کو ہرا دیا
193 رنز کے ہدف کے تعاقب میں کیوی ٹیم 7 وکٹوں کے نقصان پر 154 رنز بناسکی اور اسے 38 رنز سے شکست کا سامنا کرنا پڑا پاکستان کے کپتان
بابر اعظم نے ٹاس جیت کر بیٹنگ کا فیصلہ کیا۔
بابر و رضوان کی جوڑی نے 99 رنز کی پارٹنر شپ بنائی رضوان 50 رنز بناکر آؤٹ ہوئے
فخرزمان اور صائم ایوب نے کوئی رن نہیں بنایا، عماد وسیم 2 رنز بناکر آؤٹ ہوئے۔ اس کے بعد بابر اور افتخار کی ذمہ دارانہ اننگز کی بدولت قومی ٹیم نے مقررہ اوورز میں 4 وکٹوں کے نقصان پر 192 رنز بنائے۔
بابراعظم 101 اور افتخار 33 رنز کے ساتھ ناٹ آؤٹ رہے۔ میٹ ہینری نے 2 کھلاڑیوں کو آؤٹ کیا۔
پاکستان کے 193 رنز کے ہدف کے تعاقب میں نیوزی لینڈ کی پہلی وکٹ 44 رنز پر گری جب ٹام لیتھم 19 رنز بنا کر آؤٹ ہوئے، اس کے بعد چیڈ بوویس 26
ویل ینگ 9 ، مچل 9، نیشم ایک، رویندرا 5 رنز بنا کر آؤٹ ہوئے۔
کیوی بیٹسمین مارک چیپمین 65 رنز بنا کر ناقابل شکست رہے۔ حارث رؤف نے 4 جبکہ عماد وسیم، زمان اور شاداب خان نے ایک ایک وکٹ حاصل کی۔
