ہیوسٹن:وفاقی وزیرداخلہ محسن نقوی نے کہا ہے کہ امریکہ میں چین مخالف کسی تقریب میں شرکت نہیں کی،مخالفین زہریلا پراپیگنڈہ کر رہے ہیں۔ہیوسٹن میں میڈیا سے گفتگو میں وزیر داخلہ کا کہنا تھا کہ نوجوانوں کی تقریب میں شرکت کی تھی۔ اس کو پراپیگنڈہ کرکے غلط رنگ دیا گیا، ایسے پروپگینڈہ سے کوئی فرق نہیں پڑتا۔ میں کسی بھی اینٹی چائنہ فنکشن میں نہیں گیا،میرے دورے کا مقصد امریکہ کے سیاستدانوں سے مل کر دہشت گردی کے خلاف ایک موثر پلان بنانا ہے۔
محسن نقوی کا کہنا تھا کہ دہشت گردی صرف پاکستان کی لڑائی نہیں یہ سب کی مشترکہ لڑائی ہے،پاکستان کے خلاف جو بھی ہتھیار اٹھائے گا اس سے آہنی ہاتھوں سے نمٹا جائے گا۔
وزیر داخلہ کا کہنا تھا امریکہ کے ایوان نمائندگان کو پاکستان کے خلاف اکسایا جا رہا ہے، سیاست کریں لیکن اس حد تک نہ جائیں کہ پاکستان کا نقصان ہوکانگریس اراکین کے ساتھ ملاقاتیں بہت مثبت رہیں۔
