میں اس طرح کا بندہ نہیں کہ انتقام کی سیاست کروں اور دل میں کینہ اور بغض رکھوں،نواز شریف

مری: پاکستان مسلم لیگ (ن) کے قائد نواز شریف نے کہا ہے کہ پاکستان کے ہر منصوبے پر مسلم لیگ (ن) کا نام لکھا ہوا ہے، جو بڑا کام پاکستان کی تاریخ میں ہوا اس کے پیچھے ہماری جماعت ہے، بانی پی ٹی آئی نے جمہوریت تباہ کی ہے، ہم تو اپنے زمانے میں آپ کے گھر چل کر گئے تھے، میں انتقام کی سیاست کرنے والا آدمی نہیں ہوں۔
یہاں جاری بیان کے مطابق سینیٹ میں پارلیمانی پارٹی کے ارکان سے گفتگو کرتے ہوئے انہوں نے کہا کہ میں دل میں کینہ اور بغض نہیں رکھتا، جنگلہ بس کہنے والے جنگلہ بس بنا کے اربوں روپے کھا کر غائب ہوگئے ہیں، جو بڑا کام پاکستان کی تاریخ میں ہوا اس کے پیچھے ہماری جماعت ہے، شاہد خاقان عباسی بہت عمدہ انسان تھے، انہوں نے میرے ساتھ جرات سے جیل کاٹی، ہمیں سچ کو سچ کہنا ہوگا، جو لوگ اندھا دھند باطل کے پیچھے بھاگتے ہیں اور یہ نہیں دیکھتے کہ یہ ملک کے ساتھ کیا سلوک کرگیا ہے۔انہوں نے کہاکہ پاکستان کے ہر منصوبے پر مسلم لیگ (ن) کا نام لکھا ہوا ہے، جو بڑا کام پاکستان کی تاریخ میں ہوا اس کے پیچھے ہماری جماعت ہے، کوئی اور پارٹی بتادے کہ انہوں نے کونسا قابل ذکر منصوبہ بنایا ہے؟
نواز شریف نے کہا کہ جنگلہ بس کہنے والے جنگلہ بس بنا کے اربوں روپے کھا کر غائب ہوگئے ہیں، وہ کہانیاں جو آپ اور میں پڑھتے تھے کہ کیسے پشاور میں میٹرو بس میں کس قدر گھپلے ہوئے ہیں، اس کا موازنہ کرنا ضروری ہے کہ کون کیا کر گیا ملک کے ساتھ، کس نے خدمت کی اور کس نے اس کو اجاڑا۔
نواز شریف نے کہا کہ اس وزیر اعظم کو گرفتار کیا گیا جس نے ایٹمی بٹن پر ہاتھ رکھ کے اسے دبایا تھا اور ایٹمی دھماکے کئے، یہ صلہ ملا اس وزیر اعظم کو۔ انہوں نے کہا کہ آج تک نا ہم نے کوئی خاطر خواہ احتجاج کیا ہے اور نہ ہی ہماری قوم نے اس کا نوٹس لیا ہے، ان کا تاریخ سے بڑا گہرا تعلق ہے اور اس کو فراموش نہیں کرنا چاہئے، اس کے بعد ہم قید و بند میں رہے، ملک سے باہر بھی رہے، ہمیں اٹک فورٹ میں بند کردیا گیا جہاں جنگلی جانوروں کی آوازوں سے ہم راتوں کو اٹھ جاتے تھے۔
قائد مسلم لیگ (ن) نے کہا کہ شاہد خاقان عباسی بہت عمدہ انسان تھے، انہوں نے بڑی جرات کے ساتھ میرے ساتھ جیل کاٹی اور کبھی انہوں نے اف تک نہیں کیا لیکن انہوں نے بہت بہادری کے ساتھ میرا ساتھ دیا اور مصائب بھی برداشت کئے، جو سچ بات ہے وہ کرنی اور کہنی چاہئے، مجھے وہ وقت یاد آتا ہے کہ ہم بھی متزلزل نہیں ہوئے، لیکن اللہ نے وہ وقت بھی نکلوادیا۔انہوںنے کہاکہ ہمیں سچ کو سچ کہنا ہوگا، جو لوگ اندھا دھن باطل کے پیچھے بھاگتے ہیں اور یہ نہیں دیکھتے کہ یہ ملک کے ساتھ کیا سلوک کرگیا ہے، غریب لوگوں کا جینا مشکل کر گیا ہے، مہنگائی کو آسمان پر لے گیا اور پھر نہ روٹی میسر نہ سالن میسر ہے، بجلی مہنگی ہے ، تو کیا یہ میں چھوڑ کے گیا تھا؟ میں تو بجلی ملک کے گھر گھر پہنچا کے گیا تھا بلکہ مجھے تو نکالا گیا تھا، اگر مجھے نہ نکالتے تو ملک میں غربت نا ہوتی۔
نواز شریف نے بتایا کہ اگر مجھے نہ نکالتے تو آج ہم جی 20 سے آگے نکل گئے ہوتے اور ہمیں آئی ایم ایف کی ضرورت نہ ہوتی، ان لوگوں نے جو آئی ایم ایف کو خطوط لکھے کہ آئی ایم ایف نہ آئے اور یہ ملک بیٹھ جائے، تو ہم تو آئی ایم کو خدا حافظ کہہ کر گئے تھے مگر یہ اس کو واپس لے کر آئے، یہ تو آئی ایم ایف نے خود کہا تھا کہ پاکستان کو ہماری ضرورت نہیں پڑے گی لیکن وہ کیوں واپس آیا، آج جو بڑی شرطیں آئی ایم ایف لگا رہا ہے اس سے غریب کے لیے مصیبتیں کیسے نہیں پیدا ہوں گی؟انہوںنے کہاکہ ہم نے اس موقع پر حکومت سنبھالی لیکن ہماری معیشت بہتر ہورہی ہے، اسٹاک مارکیٹ بہتر ہورہی ہے، میں اس کے لیے شہباز شریف کو شاباشی دوں گا، انہوں نے دن رات ایک کردیا ہے، میں مریم کو شاباش دون گا کیونکہ یہ بھی دن رات محنت کر رہی ہیں اور لوگوں سے گھل مل رہی ہیں۔نواز شریف نے بتایا کہ کچھ چیزیں ہم نے کی، کچھ کے ریٹس خود گرنا شروع ہوگئے ہیں، یہ ثبوت ہے کہ اللہ آپ کا ہاتھ پکڑ رہا ہے، یہ اللہ کا اصول ہے، تو جو کام کر رہے ہیں وہ ایسے ہی کرتے جائیں تو ملک بحرانوں سے جلد باہر نکل جائے گا۔
سابق وزیر اعظم نے عمران خان کے حوالے سے کہا کہ آپ ہمیں طعنہ دیتے ہیں تو جمہوریت تو آپ نے تباہ کی ہے، ہم تو اپنے زمانے میں آپ کے گھر چل کر گئے تھے۔انہوں نے کہا کہ وہ (2014 میں) بنی گالہ عمران خان سے قومی اسمبلی میں اعتماد کا ووٹ مانگنے نہیں گئے تھے بلکہ ان سے کہنے گئے تھے کہ آﺅ مل کر کام کریں لیکن آپ کا رویہ روٹھے ہوئے بندے کی طرح ہے۔ انہوں نے کہا کہ میں نے بینظیر بھٹو کے ساتھ چارٹر آف ڈیموکریسی پر دستخط کیا تھا، یہ تو جمہوریت کا حسن ہے۔
انہوں نے کہا کہ عمران خان نے تو کہا تھا کہ نواز شریف میں تمہیں کھینچ کر لاو¿ں گا، کہا گیا نواز شریف کو جیل میں ڈال کر اے سی نکلوا دوں گا، آج تم جیل میں ہو، میں نے تو نہیں کہا کہ کمرے سے اے سی اتارو، ایک کے بجائے دو اے سی لگاو¿، میرا دھیان تو کبھی اس طرف نہیں گیا، میں اس طرح کا بندہ نہیں کہ میں انتقام کی سیاست کروں اور دل میں کینہ اور بغض رکھوں۔ نواز شریف نے بتایا کہ ایسا کوئی نظام لے کر آئیں کہ لوگوں کو سستی بجلی ملے، چکن، سبزیاں، تیل، گھی یہ سب سستی ہوئی ہیں اللہ کا کرم، ایسی پالیسی بھی بننی چاہئیں کہ بجلی اور گیس لوگوں کو سستی ملے۔