اسلام آباد: حکمران اتحاد کے امیدوار پیپلز پارٹی کے رہنما اور سابق وزیراعظم سید یوسف رضا گیلانی بلا مقابلہ چیئرمین سینیٹ اور مسلم لیگ (ن) کے سردار سیدال خان ناصر بلا مقابلہ ڈپٹی چیئرمین سینیٹ منتخب ہوگئے۔
سینیٹ اجلاس منگل کو پارلیمنٹ ہاؤس میں ہوا، وزیر خارجہ اسحاق ڈار نے پریزائیڈنگ افسر کی ذمہ داریاں انجام دیں۔
اجلاس شروع ہوتے ہی تحریک انصاف کے ارکان احتجاج کیا اور مطالبہ کیا کہ خیبر پختون خواہ میں سینیٹ کے الیکشن کے بغیر چیئرمین اور ڈپٹی چیئرمین سینیٹ کا انتخاب اور ارکان کی حلف برداری غیر قانونی اور غیر ائینی ہے لہذا اسے روکا جائے۔
پی ٹی آئی کے سینیٹرعلی ظفر نے کہا کہ جب تک کے پی کے سینیٹر نہیں آجاتے اس اجلاس کو ملتوی کیا جائے۔
بعد ازاں وزیر خارجہ اسحاق ڈار نے بطور پریزائیڈنگ افسر نو منتخب سینیٹرز سے حلف لیا جس کے بعد ارکان نے رول آف ممبرز پر دستخط کیے۔
آزاد منتخب ہونے والے سینیٹر فیصل وواڈا اور جے یو آئی کے سینیٹر مولانا عبدالواسع نےسینیٹ کی رکنیت کا حلف نہیں اٹھایا۔
پی ٹی آئی کی چیئرمین اور ڈپٹی چیئرمین سینیٹ کا الیکشن رکوانے کی استدعا مسترد کر دی گئی
اسحاق ڈار نے اعلان کیا کہ چیئرمین و ڈپٹی چیئرمین سینیٹ کا الیکشن دوپہر ساڑھے 12 بجے ہوگا، چیئرمین و ڈپٹی چیئرمین سینیٹ کےکاغذات کی اسکروٹنی سوا 11 بجے ہوگی لہٰذا کاغذات گیارہ بجے سے قبل سیکرٹری سینیٹ کے دفتر میں جمع کرائیں۔
چیئرمین سینیٹ کیلئے حکمران اتحاد امیدواریوسف رضاگیلانی اور ڈپٹی چیئرمین سینیٹ کیلئےحکومتی اتحادکےامیدوارسیدال خان ناصرنےکاغذات نامزدگی جمع کرائے جب کہ دونوں امیدواروں کے مقابلے میں کسی نے کاغذات جمع نہیں کرائے
جس کی وجہ سے انہیں کامیاب قرار دے دیا گیا۔
