اسلام آباد:پاکستان مسلم لیگ (ن) کے صدر اور نامزد وزیراعظم شہباز شریف نے اتحادی جماعتوں کی قیادت اور نو منتخب ارکان قومی اسمبلی کے اعزاز میں عشائیہ دیا ۔
مسلم لیگ (ن) کے راہنما عطاء اللہ تارڑ کے مطابق عشائیہ میں نامزد صدر آصف علی زرداری، پاکستان پیپلز پارٹی کے چیئرمین بلاول بھٹو زرداری ،ایم کیو ایم کے کنوینر ڈاکٹر خالد مقبول صدیقی ، بلوچستان عوامی پارٹی کی طرف سے چیئرمین سینیٹ صادق سنجرانی ، بی اے پی کے سربراہ خالد مگسی، پاکستان مسلم لیگ (ق) کے سینئر راہنما چوہدری سالک حسین،استحکام پاکستان پارٹی کے صدر عبد العلیم خان سمیت مسلم لیگ (ن)، پیپلز پارٹی، ایم کیو ایم، بلوچستان عوامی پارٹی، آئی پی پی اور مسلم لیگ (ق) کے نومنتخب ارکان قومی اسمبلی نے عشائیہ میں شرکت کی۔
نامزد وزیر اعظم شہباز شریف نے نومنتخب ارکان قومی اسمبلی کو مبارکباد دی ۔
نومنتخب ارکان قومی اسمبلی نے شہباز شریف کو وزیر اعظم نامزدگی پر مبارک دی ۔
ارکان اسمبلی نے آصف علی زرداری کو صدر کے منصب پر نامزدگی پر مبارک پیش کی۔
