لاہور : پی ایس ایل9 کے آٹھویں میچ میں کوئٹہ گلیڈی ایٹرز نے اسلام آباد یونائیٹڈ کو ہرا دیا ۔
قذافی اسٹیڈیم میں کوئٹہ گلیڈی ایٹرز نے ٹاس جیت کر اسلام آباد یونائیٹڈ کو پہلے بیٹنگ کی دعوت دی۔
ایلکس ہیلز نے 9 گیندوں پر 21 رنز بنا کر اپنی ٹیم کو بھرپور آغاز فراہم کیا۔
سلمان علی آغا اور کولن منرو کے درمیان 40 رنز کی پارٹنرشپ بنی، تاہم 69 کے مجموعے پر پہلے کولن منرو آؤٹ ہوگئے۔
72 پر کپتان شاداب خان، 80 پر اعظم خان، 87 پر سلمان علی آغا، 105 پر عماد وسیم، 118 پرجارڈن کوکس آؤٹ ہوئے۔
فہیم اشرف کے 20 رنز کی بدولت اسلام آباد یونائیٹڈ کی ٹیم مقررہ 20 اوورز میں 9 وکٹوں کے نقصان پر 138 رنز بناسکی۔
سپنر ابرار احمد نے 4 اوور کے کوٹہ میں 18 رنز دے کر 3 اہم وکٹیں حاصل کیں۔
فاسٹ بولر محمد وسیم نے بھی 4 اوورز کے کوٹہ میں 20 رنز دے کر 3 کھلاڑیوں کو آؤٹ کیا، اکیل حسین نے 2 جبکہ محمد حسنین نے ایک وکٹ حاصل کی ۔
