لاہور:پی ایس ایل 9 میں کوئٹہ گلیڈی ایٹرز نے لاہور قلندرز کو 5 وکٹوں سے ہرا دیا ۔
لاہور قلندرز کے کپتان شاہین شاہ آفریدی نے کوئٹہ گلیڈی ایٹرز کیخلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 187 رنز بنائے۔
کوئٹہ گلیڈی ایٹرز نے 188 رنز کا ہدف آخری اوور میں 5 وکٹوں کے نقصان پر حاصل کرلیا، خواجہ نافع 60 رنز کیساتھ ناٹ آؤٹ رہے، سعود شکیل نے 40 اور جیسن رائے نے 24 رنز بنائے۔
اس سے پہلے لاہور قلندرز کی جانب سے صاحبزادہ فرحان 62 اور جہانداد خان 45 رنز کیساتھ نمایاں رہے، سکندر رضا نے 18 ، وین ڈوسن نے 15، شاہین شاہ آفریدی نے 12اور عبداللہ شفیق نے 11رنز بنائے۔
عقیل حسین اور محمد حسنین کو دو،دو جبکہ محمد عامر، محمد وسیم اور ابرار احمد کو ایک ایک وکٹ ملی۔
