اسلام آباد: پاکستان اور ایران نے دونوں ممالک کے سفیروں کی 26 جنوری تک اپنے اپنے عہدوں پر واپسی پر اتفاق کیا ہے۔
ترجمان دفتر خارجہ کی جانب سے جاری اسلامی جمہوریہ پاکستان اور اسلامی جمہوریہ ایران کے مشترکہ بیان میں کہا گیا ہے کہ پاکستان اور ایران کے وزرائے خارجہ کے درمیان ٹیلی فونک گفتگو کے بعد باہمی طور پر اس بات پر اتفاق کیا گیا ہے کہ دونوں ممالک کے سفیر 26 جنوری 2024 تک اپنے اپنے عہدوں پر واپس ہو سکتے ہیں۔
وزیر خارجہ جلیل عباس جیلانی کی دعوت پر ایران کے وزیر خارجہ حسین امیر عبداللہیان 29 جنوری 2024 کو پاکستان کا دورہ کریں گے۔
