اسلام آباد :کاغذات نامزدگی جمع کروانے کی تاریخ دو دن بڑھا کر 24 دسمبر کر دی گئی.
ایم کیو ایم، جے یو آئی (ف)، مسلم لیگ ن اور بلوچستان عوامی پارٹی نے کاغذات نامزدگی جمع کرانے کی تاریخ میں توسیع کی درخواست کی تھی۔
الیکشن کمیشن نے سیاسی جماعتوں کی درخواستیں قبول کرتے ہوئے کاغذات نامزدگی جمع کرانے کی تاریخ میں توسیع کی ہے۔
الیکشن کمیشن کے مطابق امیدوار کاغذات نامزدگی 24 دسمبر تک جمع کرا سکتے ہیں، سیاسی جماعتیں مخصوص نشستوں کی ترجیحی فہرست بھی 24 دسمبر تک دے سکتی ہیں، کاغذات نامزدگی کی جانچ پڑتال 25 سے 30 دسمبر تک ہی ہو گی۔
