اسلام آباد : علامہ اقبال اوپن یونیورسٹی کے سمسٹر بہار 2023ء کے اڑھائی اور ساڑھے تین سالہ ایم بی اے پروگرامز کے فائنل امتحانات ملک بھر میں ایک ساتھ 18نومبر سے شروع ہوں گے جو 7دسمبر تک جاری رہیں گے۔ ڈیٹ شیٹ یونیورسٹی کی ویب سائٹ پر اور رول نمبر سلپس طلبہ کے سی ایم ایس پورٹلز پراپ لوڈ کردی گئی ہیں۔ متعلقہ طلباء و طالبات کو بذریعہ موبائیل ایس ایم ایس بھی اطلاع دے دی گئی ہے۔
علاوہ ازیں نئے طلبہ کے لئے سمسٹر خزاں 2023ء کے دوسرے مرحلے کے داخلوں کی آخری تاریخ کل( منگل 7نومبر)مقرر ہے جبکہ ایسوسی ایٹ ڈگری اِن آرٹس(بی اے جنرل)، ایسوسی ایٹ ایٹ ڈگری اِن کامرس(بی کام)، ایسوسی ایٹ ڈگری اِن ایجوکیشن، بی ایس(او ڈی ایل )پروگرامز، ڈیڑھ، اڑھائی اور چار سالہ بی ایڈ پروگرامز، بی بی اے، پوسٹ گریجویٹ ڈپلومہ پروگرامزمیں پہلے سے داخل(جاری طلبہ)25۔نومبر تک انرولمنٹ کرسکتے ہیں۔
