بورڈ امتحانات میں پاسنگ اور گریس مارکس بڑھانے کا فیصلہ

لاہور: تعلیمی بورڈز کے امتحانات میں پاسنگ اور گریس مارکس بڑھائے جائیں گے۔

یہ فیصلہ انٹر بورڈ کوآرڈینیشن کمیشن اجلاس میں ہوا۔

اجلاس میں تمام تعلیمی بورڈز کے نمائندوں نے شرکت کی۔
اب ہر مضمون میں پاسنگ مارکس 33 کے بجائے 40 ہوں گے، گریس مارکس 3 سے بڑھا کر 5 کر دیے گئے ہیں۔

اس سے پہلے 30 نمبر حاصل کرنے والے طالبعلم کو 3 گریس مارکس دیے جاتے تھے، اب 35 نمبرز حاصل کرنے والے طالبعلم کو 5 نمبر گریس دے کر پاس کیا جائے گا۔

2 سے زائد مضمون میں فیل ہونے والے طالبعلم کو گریس مارک نہیں ملیں گے۔

فیصلے کا اطلاق آئندہ سال کے امتحانات سے ہو گا۔