لاہور : لیہ اراضی سکینڈل میں چیئرمین پی ٹی آئی کے بہنوئی احد مجید کی ضمانت خارج ہو گئ،احد مجید کی گرفتاری نہ ہو سکی، موقع سے فرار ہو گئے ۔
ترجمان اینٹی کرپشن نے کہا ہے کہ اینٹی کرپشن چیئرمین پی ٹی آئی کی بہن اور بہنوئی سے لیہ اراضی سکینڈل میں تحقیقات کر رہا ہے،اینٹی کرپشن لیگل ٹیم کی جانب سے آج سپیشل جج اینٹی کرپشن ڈیرہ غازی خان کو ٹھوس ثبوت فراہم کے گئے،عدالت نے دونوں جانب سے دلائل سن کر ضمانت خارج کرنے کا فیصلہ سنایا ۔
ترجمان کا کہنا تھا کہ سابق وزیراعظم کی بہن اور بہنوئی نے غیر قانونی طور پر لیہ میں زبردستی مالکان سےزمین خریدی ،غیر قانونی طور پر اثرورسوخ استعمال کرکے زمین کا انتقال بھی کروایا گیا،ملزمان نے سرکاری ریکارڈ میں جعلسازی کرکے زمین اپنے نام کروائی ،احد مجید وغیرہ نے کچھ مالکان کو ڈرا دھمکا کر ان سے زمین اپنے نام لکھوائی، ڈاکٹر عظمی اور انکے شوہر احد مجید نے عدالت سے ضمانت کروا رکھی تھی ،اینٹی کرپشن ٹھوس شواہد کی بنیاد پر لیہ اراضی کیس میں تحقیقات کر رہا ہے
ترجمان نے کہا کہ جلد احد مجید اور دیگر ملزمان کو گرفتارکر کے قانون کے کٹہرے میں لایا جائے گا۔
