اسلام آباد : حکومت نے مٹی کے تیل اورلائیٹ ڈیزل آئل کی قیمت میں کمی کردی ہے جبکہ پیٹرول اورہائی سپیڈ ڈیزل کی موجودہ قیمتیں آئندہ 15 دنوں کیلئے برقراررہیں گی۔
وزارت خزانہ کی جانب سے نوٹییفیکشن کے مطابق یکم نومبرسے مٹی کے تیل کی قیمت میں 3.82 روپے اورلائیٹ ڈیزل آئل کی قیمت میں 3.40 روپے فی لیٹرکمی کردی گئی ہے جس کے بعد مٹی کے تیل کی نئی قیمت 211.03 روپے اورلائیٹ ڈیزل آئل کی نئی قیمت 189.40 روپے فی لیٹرہوگئی ہے۔
نوٹیفیکشن کے مطابق پیٹرول اورہائی سپیڈ ڈیزل کی موجودہ قیمتیں برقراررہیں گی۔
