حیدرآباد :پاکستان نے سری لنکا کو ورلڈ کپ میں مسلسل 8ویں بار شکست سے دوچار کردیا۔
گرین شرٹس نے 345 رنز کا بڑا ہدف 48 اعشاریہ 2 اوورز نے حاصل کرلیا۔
ورلڈکپ 2023ء میں پہلا ہی میچ کھیلنے والے عبداللّٰہ شفیق چھاگئے، محمد رضوان کے ساتھ مل کر تاریخ رقم کردی ۔
سری لنکا کے 345 رنز کے ہدف کے تعاقب میں امام الحق اور بابراعظم کے جلد آؤٹ ہوجانے کے بعد عبداللّٰہ شفیق اور محمد رضوان نے 156 گیندوں پر 176رنز کی شراکت قائم کی۔
عبداللّٰہ شفیق نے سنچری بنائی، وہ وہ 103 گیندوں پر 113 رنز بناکر آؤٹ ہوئے، انہوں نے 3 چھکے اور 10 چوکے لگائے۔
محمد رضوان نے عبداللّٰہ شفیق کی موجودگی میں نصف سنچری بنائی بعد ازاں سعود شکیل کے ساتھ شراکت قائم کی اور اپنی سنچری مکمل کی۔
ورلڈ کپ کی تاریخ میں سب سے بڑے ہدف کا کامیاب تعاقب کا ریکارڈ آئرلینڈ کے پاس تھا، جس نے 2011ء میں انگلینڈ کے خلاف 328 رنز بنائے تھے۔
ورلڈ کپ کے آٹھویں میچ میں سری لنکا نے پاکستان کو 345 رنز کا ہدف دے دیا، سری لنکا نے پاکستان کے خلاف ٹاس جیت کر پہلے بیٹنگ کا فیصلہ کیا اور مقررہ 50 اوورز میں 9 وکٹوں پر 244 رنز اسکور کیے اور پاکستان کیخلاف ورلڈ کپ کا سب بڑا ہدف سیٹ کیا۔
سری لنکن کے وکٹ کیپر بیٹر کوشل مینڈس اور سمارا وکرما نے سنچریاں اسکور کیں جبکہ پتھم نسانکا 51 رنز بناکر نمایاں بیٹر رہے۔
دیگر کھلاڑیوں میں دھننجایا ڈی سلوا 25، کپتان داسن شناکا 12 اور ڈینوتھ ویلالگے 10 رنز کے سوا کوئی اور کھلاڑی دہرا ہندسہ عبور نہ کرسکا۔
گرین شرٹس کے حسن علی نے 4، حارث رؤف نے 2 جبکہ شاہین آفریدی، شاداب اور محمد نواز نے 1، 1 وکٹ اپنے نام کی ہے۔
