روپیہ تگڑا ، ڈالر مزید نیچے آ گیا

کراچی:ڈالر کی قیمت میں مسلسل کمی کا رجحان جاری: انٹربینک اور اوپن مارکیٹ میں 285 روپے کی سطح سے نیچے آ گیا.
گذشتہ ایک مہینے میں اوپن مارکیٹ میں ڈالر 48 روپے جبکہ انٹربینک میں 22.40 روپے تک گِر چکا ہے،کاروبار شروع ہوتے ہی ڈالر کی قیمت میں کمی دیکھی گئی ہے۔
انٹربینک میں ڈالر کی قیمت میں 1.12 روپے کمی ہونے کے بعد ڈالر 284.60 روپے پر آگیا۔
اسٹیٹ بینک کے مطابق منگل کے روز انٹر بینک میں ایک روپے 4 پیسے کی کمی کے بعد ڈالر 285 روپے 72 پیسے پر بند ہوا ہے۔
پاکستان اسٹاک ایکس چینج میں کاروبار کا مثبت آغاز ہوا ہے، جہاں 100 انڈیکس میں 250 پوائنٹس اضافہ کے ساتھ 47000 کی حد بحال ہوگئی ہے۔
حوالہ، ہنڈی اور ذخیرہ اندوزوں کے خلاف کریک ڈاؤں کے بعد سے ڈالر کی قدر مسلسل نیچے آرہی ہے۔