اسلام آباد : روس سے ایک لاکھ ٹن خام تیل کی پہلی کھیپ پاکستان پہنچ گئی ہے۔
پاکستان نے روس کی جانب سے ایک لاکھ ٹن خام تیل پر مشتمل بڑا کارگو وصول کیا ہے اور یہ تیل بی ٹی یو ماڈل کے تحت درآمد کیا گیا ہے۔
میسرز جی کو پاکستان نے ایفرو میکس کے نام سے یہ پہلا یورال کارگو وصول کیا ہے جو اس کی ریفائنری میں صاف کیا جائے گا۔میسرز جی کو کے ڈائریکٹر عثمان قریشی کے مطابق یہ ایک لاکھ میٹرک ٹن خام تیل ان کی ریفائنری میں دو ہفتوں میں صاف کیا جائے گا اور اس سے حاصل ہونے والا فرنس آئل برآمد کر دیا جائے گا جبکہ پٹرول اور ڈیزل سمیت دیگر مصنوعات ملک کے اندر ہی استعمال ہوں گی اگر اس کے بہتر نتائج نکلے تو روس سے خام تیل کی درآمد جاری رکھی جائے گی جس سے پاکستان میں ایندھن کی ترسیل میں استحکام آئے گا اور درآمد شدہ تیار مصنوعات پر انحصار کم ہوگا درآمدی خام تیل کی صفائی میں دو سے تین دن لگیں گے۔
