اسلام آباد: اداکارہ ماہرہ خان کاروباری شخصیت سلیم کریم کے ساتھ شادی کے بندھن میں بندھ گئیں۔
شادی کی تقریب میں محدود تعداد میں قریبی دوست اور رشتہ دار شریک ہوئے، سوشل میڈیا پر جاری تصاویر میں دلہن سفید جوڑے میں ملبوس تھی ،مداحوں کی جانب سے جوڑے کو مبارکبادیں بھی دی جا رہی ہیں۔
اداکارہ ماہرہ خان بول، منٹو، ایکٹر ان لا، رئیس، ورنہ، سات دن محبت اِن جیسی فلموں میں کام کرچکی ہیں جبکہ حال ہی میں فلم دی لیجنڈ آف مولا جٹ میں ان کی جاندار اداکاری کو نہ صرف شائقین اور فینز بلکہ فلم ناقدین کی جانب سے بھی سراہا گیا تھا۔
اس سے قبل 2007 میں اداکارہ ماہرہ خان کی علی عسکری سے پہلی شادی ہوئی تھی تاہم 2015 میں جوڑے نے علیحدگی اختیار کرلی تھی ، پہلی شادی سے ماہرہ خان کا ایک 13 سالہ بیٹا ہے۔
