اودے پور: بالی وُڈ اداکارہ پرینیتی چوپڑا بالآخر شادی کے بندھن میں بندھ گئی ہیں۔
پرینیتی چوپڑا کی شادی سیاست دان راگھوو چڈھا سے ریاست راجستھان کے شہر اُودے پور میں ہوئی۔
پرینیتی چوپڑا نے انسٹاگرام پر اپنی شادی کی تصاویر اپلوڈ کیں۔
اداکارہ نے اپنی انسٹاگرام پوسٹ میں لکھا کہ ’ناشتے کی میز پر پہلی ملاقات سے ہمارے دِلوں کو اس بات کی خبر ہوگئی تھی اس دن کے لیے بہت دیر سے انتظار کر رہے تھے۔ مسٹر اور مسز بننے پر بہت خوش ہیں۔ ایک دوسرے کے بغیر کبھی نہ رہ سکتے۔ ہمیشہ کا سفر آج سے شروع ہوگیا۔
پرینیتی چوپڑا انسٹاگرام پر اپلوڈ ہونے والی پہلی تصویر میں اپنے شوہر راگھوو چڈھا کا ہاتھ تھامے شادی کی تقریب میں شریک ہو رہی ہیں جبکہ دوسری تصویر میں وہ شوہر کے ساتھ پھیرے لے رہی ہیں
پرینیتی چوپڑا نے شادی کے موقع پر معروف فیشن ڈیزائنر منیش ملہوترا کا ڈیزائن کیا ہوا کریم رنگ کا لہنگا پہنا۔
شادی کی تقریب اُدے پور میں واقع دی لِیلا پیلس میں ہوئی جس میں نئی دہلی کے وزیراعلیٰ اروِند کیجری وال اور پنجاب کے وزیراعلیٰ بھگونت مان نے بھی شرکت کی۔
پرینیتی چوپڑا کی شادی کے استقبالیہ کی تقریب 30 ستمبر کو چندی گڑھ میں ہوگی۔
