کولمبو : ایشیا کپ کے سپر فور مرحلے میں بھارت نے پاکستان کو 228 رنز سے ہرا دیا ۔
بھارت کے 356 رنز کے جواب میں قومی ٹیم 32 اوورز میں صرف 128 رنز بناسکی، پاکستان کےخلاف ون ڈے کرکٹ میں بھارت کی یہ سب سے بڑی کامیابی ہے۔ اس سے قبل پاکستان 2009 میں سری لنکا سے 234 رنز سے ہارا تھا۔
گزشتہ روز بارش کی وجہ سے صرف 24.1 اوورز کا کھیل ممکن ہو سکا تھا، جس میں بھارت نے 2 وکٹوں کے نقصان پر 147 رنز بنائے تھے۔
بھارتی بلے باز کے ایل راہول اور ویرات کوہلی نے ناقابل شکست اننگز کھیلیں جس کے باعث بھارت نے مقررہ 50 اوورز میں 2 وکٹ پر 356 رنز بنا لیے۔
ویرات کوہلی نے 122 رنز کی ناقابل شکست اننگز کھیلی جب کہ کے ایل راہول بھی 111 رنز بنا کر ناٹ آؤٹ رہے۔
بھارت کے 357 رنز کے ہدف کے جواب میں پوری ٹیم 32 اوورز میں صرف 128 رنز بنا کر آؤٹ ہوگئی، حارث اور نسیم انجری کے باعث بیٹنگ کے لیے نہیں آئے۔
پاکستان کا کوئی بھی بلے باز بھارتی بولروں کے سامنے زیادہ دیر تک نہ ٹھہر سکا، فخرزمان 27 رنز کے ساتھ نمایاں رہے، سلمان آغا اور افتخار احمد نے 23 ، 23 رنزبنائے،بابراعظم نے 10 اور امام الحق نے 9 رنزبنائے۔
بھارت کی جانب سےکلدیپ یادیو نے 25 رنزدےکر 5 وکٹیں حاصل کیں۔
