لاہور: ایشیا کپ ون ڈے کے گروپ بی کے میچ میں بنگلادیش نے افغانستان کو با آسانی 89 رنز سے ہرا دیا۔
بنگلادیش کے 335 رنز کے ہدف کے تعاقب میں افغانستان کی ٹیم 245 رنز پر ڈھیر ہوگئی ،ابراہیم زادران 75 اور کپتان حشمت اللہ نے 51 رنز بنائے۔
قذافی اسٹیڈیم میں بنگلادیش نے ٹاس جیت کر بیٹنگ کا فیصلہ کیا۔
بنگلادیش نے مقررہ 50 اوورز میں 5 وکٹوں کے نقصان پر 334رنز بنائے۔
بنگلادیش کے محمد نعیم 28 رنز بناکر مجیب الرحمان کی گیند کا شکار ہوئے جب کہ توحید کو گلبدین نائب نے بغیر کوئی رن بنائے آؤٹ کیا۔
2 وکٹیں گرنے کے بعد مہدی حسن اور نجمل حسین نے ذمہ درانہ بیٹنگ کی اور سنچریاں اسکور کیں۔مہدی حسن نے 112 اور نجمل حسین نے 104 رنز کی شاندار اننگ کھیلی مشفیق الرحیم نے 25 رنز بنائے جبکہ شکیب الحسن 32 رنز کے ساتھ ناقابل شکست رہے۔
افغانستان کی جانب سے مجیب الرحمٰن اور گلبدین نائب نےایک ،ایک وکٹ حاصل کی۔
335 رنز کے ہدف کے تعاقب میں افغانستان کا آغاز اچھا نہ ہوا، صرف ایک رنر پر اوپنر رحمان اللہ گرباز آؤٹ ہوگئے، تاہم ابراہیم زادران اور رحمت شاہ کے درمیان 78 رنز کی شراکت داری قائم ہوئی لیکن پھر رحمت 33 رنز بناکر پویلین لوٹ گئے، ابراہیم زادران اورحشمت اللہ نے نصف سنچریاں اسکور کیں۔
ابراہیم زادران 75 اور نجیب اللہ بھی 17 رن بناکر آؤٹ ہوگئے، کپتان حشمت اللہ نے 51، راشد خان نے 24 اور گلبدین نے 15رنز بنائے، افغانستان کی پوری ٹیم 45ویں اوور میں آؤٹ ہوگئ۔
