کراچی : پاکستان نے نیوزی لینڈ کو تیسرے ون ڈے میں بھی شکست دے کر سیریز میں 0-3 کی برتری حاصل کر لی ہے
پاکستان نے نیوزی لینڈ کو جیت کےلیے 288 رنز کا ہدف دیا، جس کے تعاقب میں کیوی ٹیم 261 رنز پر آؤٹ ہوگئی ،نیوزی لینڈ نے ٹاس جیت کر پہلے پاکستان کو پہلے بیٹنگ کی دعوت دی تھی، مسلسل تین اننگز میں سنچریاں بنانے والے فخر زمان صرف 19 رنز بنا کر آؤٹ ہوئے، امام الحق اور بابر اعظم کے درمیان سنچری پارٹنرشپ ہوئ
عبداللّٰہ شفیق صرف 19 رنز بنا سکے
امام الحق 90 کے اسکور پر ایڈم ملن کی گیند پر بولڈ ہوگئے
وکٹ کیپر بیٹسمین محمد رضوان اور آغا سلمان نے بالترتیب 32، 31 رنز بنائے، شاداب خان نے 21 اور محمد نواز نے 11 رنز بنائے جبکہ پوری ٹیم مقررہ 50 اوورز میں 6 وکٹوں کے نقصان پر 287 رنز بناسکی۔
نیوزی لینڈ کی جانب سے میٹ ہینری نے 3 ایڈم ملن نے دو جبکہ کول میک کونچی نے ایک کھلاڑی کو آؤٹ کیا۔
ہدف کے تعاقب میں کیوی ٹیم کے اوپننگ بلے باز ٹام بلنڈل اور ول ینگ نے 83 رنز کی پارٹنر شپ بنائی
ٹام بلنڈل نے 65 اور کولن میک کونچی نے 61 رنز کی اننگز کھیلیں۔
نیوزی لینڈ کی پوری ٹیم آخری اوور میں 261 رنز بنا کر آؤٹ ہوگئی۔
